Poco nos queda yá pa dir zarrando esta tanda de test y, como yá diximos ayeri, siguimos ensin muncha más novedá. Vense pasinos positivos nel casu de McLaren, con resultaos bastante decentes (especialmente si pensamos en cómo taben l’añu pasáu a estes altures) y un pocu recule nel casu de Haas, qu’empecipien a veles y deseales nesta nueva categoría del deporte de motor. Almitamos que teníen bona pinta los primeros díes pero que lo normal ye que se vean na situación d’ayeri na que malpenes pudieron salir a pista. Güei taremos sollertes, una vez más, a lo que faigan.
Los demás equipos mantienen el plan de trabayu, unos con más tranquilidá d’otros, como nel casu les fleches platiaes o la escudería del cavallino rampante, que pel momentu son los que más sorrises tán consiguiendo nos sos respeutivos garaxes. Les poques noticies que xeneren el restu los equipos faennos creyer que too va saliendo como ellos pensaben, anque los sos resultaos seyan menos bultables y tean teniendo dalgún qu’otru problema.
La llista pilotos que van tar güei al volante son:
MERCEDES AMG F1: Nico Rosberg / Lewis Hamilton
SCUDERIA FERRARI: Kimi Räikkönen
WILLIAMS F1 RACING: Felipe Massa
RED BULL RACING: Daniil Kvyat
FORCE INDIA: Nico Hülkenberg
RENAULT: Jolyon Palmer
SCUDERIA TORO ROSSO: Max Verstappen
SAUBER F1 TEAM: Felipe Nasr
McLAREN-HONDA: Fernando Alonso
MANOR: Pascal Wehrlein
HAAS: Romain Grosjean
Mañana vamos ufrivos el resume de tola tanda de test, previa al GP d’Australia que llega dientro un pocu más de dos selmanes.