Test de pre-temporada: día 3

Cola mesma rapidez de los monoplaces, pasaron los entrenamientos de pre-temporada nel circuitu de Sakhir que dexaron delles coses interesantes y munches entrugues pa dientro una selmana.

Red Bull remató les xornaes como l’equipu a vencer nesti 2023, mesmo que terminó l’añu pasáu, ensin grandes problemes y cola sensación de tener fecho bien los deberes n’iviernu. Podemos dicir lo mesmo de Ferrari, anque quiciás vaigan un pasín per detrás del campeón del mundu de 2022. Mercedes abulta muncho meyor que l’añu pasáu anque insistan qu’entavía tienen trabayu per delantre.

El restu d’equipos zarraron xornaes positives pero con trabayu pensando yá nel primer gran premiu de la viniente selmana. McLaren nun brilló muncho más de lo que lo ficiera en díes pasaos, mesmo qu’AlphaTauri y Alpine. Alfa Romeo tuvo un problema de motor na primer sesión de güei pero siguió marcando bonos tiempos y dando bones sensaciones en pista.

Equí vos dexamos los últimos númberos que dexó’l test de pre-temporada:

Ponemos fin pues a les tandes d’entrenamientos y agora toca yá pensar nel primer gran premiu de la temporada. Sicasí, enantes de que llegue esi momentu, asoleyaremos un post coles reflexones ya sensaciones que nos tresmitieron los equipos nestos test y lo que creyemos que podemos esperar depués de lo que tuvimos viendo.