Yá tamos nesa dómina del añu na que too son rumores, poques se confirmen y delles duldes se resuelven. Nesti artículu vamos dir actualizando lo que sepamos (que tea confirmao de forma oficial) no que cinca a los posibles cambios (o non) pa 2022 nes alliniaciones de pilotos.
XUEVES, 26 D’AGOSTU
Alpine confirma que Fernando Alonso va ser pilotu pa 2022 xunto a Esteban Ocon. D’esta manera, Alpine yá tien confirmaos a dambos pilotos pal so futuru inmediatu.
VIENRES, 27 D’AGOSTU
Red Bull confirma que Sergio Pérez va siguir pilotando’l so monoplaza pa la temporada 2022, zarrando la puerta a rumores de la llegada d’otru pilotu p’acompañar a Max Verstappen.
MIÉRCOLES, 01 DE SETIEMBRE
Kimi Räikkönen confirma que va retirase de la Fórmula 1 n’acabando esti 2021.
LLUNES, 06 DE SETIEMBRE
Alfa Romeo confirma a Valtteri Bottas como pilotu pa 2022.
MARTES, 07 DE SETIEMBRE
Mercedes confirma que George Russell va ser compañeru d’equipu de Lewis Hamilton pa la viniente temporada.
AlphaTauri confirma que Pierre Gasly y Yuki Tsunoda van siguir nel equipu en 2022.
MIÉRCOLES, 08 DE SETIEMBRE
Williams confirma qu’Alex Albon va ser pilotu del equipu pa 2022 xunto a Nicholas Latifi, que va siguir otru añu nel equipu de Grove.
XUEVES, 16 DE SETIEMBRE
Aston Martin confirma que Sebastian Vettel y Lance Stroll van siguir siendo pilotos del equipu pa 2022.
XUEVES, 23 DE SETIEMBRE
Haas confirma a Nikita Mazepin y Mick Schumacher pa 2022.
MARTES, 16 DE PAYARES
Alfa Romeo confirma qu’Antonio Giovinazzi nun va continuar nel equipu pal añu que vien y da anuncia del fichaxe de Guanyu Zhou como compañeru d’equipu de Valtteri Bottas pa 2022.