Esta temporada ta obligándonos a reescribir munches coses y replantegar munches otres que yá tiníemos preparaes. Una d’eses coses ye’l calendariu. Tamos acabantes de conocer les ocho primeres feches de carreres pa esti 2020 qu’entavía nun empezó. De momentu, tán pensaes como eventos ensin públicu, anque puede que les últimes feches sí permitan qu’haiga quien les pueda ver en direutu. Amás, la F2 y la F3 van arrancar al tiempu que la F1.
Les feches y circuitos escoyíos pa entamar la primer parte de la temporada correspuenden a Europa y son les siguientes:
Calendariu
| Carrera | Circuitu | Fecha |
|---|---|---|
| 1 | Red Bull Ring – Austria | 5 de xunetu |
| 2 | Red Bull Ring – Austria | 12 de xunetu |
| 3 | Hungaroring – Hungría | 19 de xunetu |
| 4 | Silverstone – RX | 2 d'agostu |
| 5 | Silverstone – RX | 9 d'agostu |
| 6 | Circuit de Barcelona – Barcelona | 16 d'agostu |
| 7 | Spa Francorchamps – Bélxica | 30 d'agostu |
| 8 | Monza – Italia | 6 de setiembre |
La idea que manexen dende la organización ye cellebrar ente 15 y 18 carreres, rematando la temporada n’avientu. Diremos actualizando’l calendariu dende que sepamos más feches.