Previa del Gran Premiu d’Estaos Xuníos 2021

Empobinamos lo que van a ser los últimos 6 grandes premios de la temporada nuna recta final qu’apunta que va a ser d’infartu. Nesti tramu últimu puntuar en cada gran premiu va a ser crítico y la necesidá de maximizar los puntos en cada eventu va a ser lo que tengan ente ceya y ceya los pilotos que tán lluchando pol mundial.

Volvemos a Norteamérica depués de l’ausencia del añu pasáu y cola dulda de si’l ritmu qu’amosó Mercedes nel anterior gran premiu, especialmente nes rectes, ye dalgo que vamos a siguir viendo nos premios siguientes. Per otra parte, Austin suel ser un circuitu que se-y da bien al Hamilton. Bottas foi l’últimu poleman del circuitu y hai que ver si ye cierto que, una vez conocíu’l so futuru, ta más centráu na conducción. De xuru que tanto’l pilotu finlandés como Sergio Pérez van volver a tener un papel importante nel trescursu de la carrera como escuderos. Vertappen de xuru que nagua por llograr la primer victoria en tierres estauxunidenses con 6 puntos de ventaya.

La pelea pola tercer plaza nel mundial de constructores ta tamién perinteresante, el duelu ente Ferrari y Mclaren tien otru capítulu col últimu anovamientu de la unidá de potencia que paez que ta funcionando. Veremos si Ricciardo vuelve a los problemes que tuvo bona parte de la temporada o realmente recuperó la forma porque l’espectáculu ente los cuatro pilotos pue dar de si.

Ensin más, los horarios pa esti fin de selmana son los siguientes. Apuntai:

Y les gomes que van montar son les que veis na imaxe: