El mundu de la F1 nun descansa pesie al parón inverniegu, y les noticies continúen. Cola pre-temporada yá encaminada y cásique la mitá de los coches presentaos y los demás a piques de presentase nos vinientes díes, cada vegada tenemos más averaos los test.
Estos díes pasaos delles escuderíes fueron presentando los sos coches como yá vos vinimos comentando. Esta selmana foi cosa de Williams el llunes y d’Alfa Romeo’l martes, sumándose asina a Haas y Red Bull que yá lo ficieran la selmana anterior. Mañana sábadu ye’l turnu d’AlphaTauri. Si queréis consultar el restu de feches de presentación de coches y los sos nomes, podéis facelo equí.
Ye vezu ente los equipos compartir col mundu los primeros ruxíos de les sos unidaes de potencia cuando les arranquen per primer vegada. Tenemos un par d’exemplos, por si vos apetez poner l’oyíu, que compartieron AlphaTauri y Ferrari en díes pasaos. La Scuderia amás, reveló’l nome que va tener el so coche, SF-23.
Otru equipu que tamién reveló’l nome del so monoplaza pa 2023 foi McLaren, que va competir col MCL60. Si vos acordáis, la escudería de Woking siguía un patrón fixu como tantos otros equipos y lo normal sedría qu’esti añu’l coche fuera’l MCL37. Pero esti añu McLaren ta de cellebración y n’homenaxe a los sos anicios, el so competidor pa esti 2023 va ser el MCL60, coincidiendo colos sesenta años de la fundación del equipu por Bruce McLaren.
De momentu, esto ye tolo que tenemos pa esti vienres. Nun escaezáis que podéis consultar tolos boletinos de noticies que fuimos preparando dende que remató la temporada 2022. Podéis consultalos equí:
Noticies post-temporada 2022:
Noticies – 2 d’avientu
Noticies – 9 d’avientu
Noticies – 16 d’avientu
Noticies – 23 d’avientu
Noticies – 30 d’avientu
Noticies pre-temporada 2023:
Noticies – 13 de xineru
Noticies – 20 de xineru
Noticies – 27 de xineru
Noticies – 3 de febreru
Tamién podéis echar un güeyu a tola información que precisáis pa nun perder nada nesta nueva temporada:
Pilotos y equipos
Calendariu
Presentaciones de los coches
Circuitos
Y amás, yá asoleyamos dos previes de la temporada, una de la temporada ya otra la primer parte por equipos, que podéis lleer equí. Nesta última, nel nome del coche de cada equipu podéis atopar un enllaz a la galería de semeyes de los coches cuando se van presentando: