A la fin llegó la selmana na qu’empiecen les presentaciones de los coches que van competir esta temporada y yá conocemos cómo son los monoplaces de Haas, que presentó el martes 31, ya’l de Red Bull, que lu presentó hai unes hores.
Red Bull amás confirmó dalgo que yá sintiéramos na pasada temporada y ye la entrada de Ford a partir de 2026 a comuña con ellos. Como vos dicimos yera dalgo de lo que yá se falaba y Christian Horner fízolo oficial esta tarde na presentación del RB-19, na que tuvieron presentes los dos pilotos oficiales y Daniel Ricciardo como pilotu reserva de vuelta en Red Bull. Ford calcula trabayar con Red Bull pa suministrar unidaes de potencia a ellos y a AlphaTauri dende 2026 y hasta, polo menos, 2030.
Aparte, esta selmana tamién conocimos el nuevu rol que va tener Mick Schumacher en McLaren. El pilotu alemán pasó de tar ensin asientu al rematar 2022 a tar agora contratáu por dos equipos pa ser pilotu reserva. Schumacher va combinar el trabayu con Mercedes y con McLaren.
Yá tiníemos la confirmación oficial de la presencia d’Audi a partir de 2026 na parriella de la F1 de la mano de Sauber y de cómo Alfa Romeo va dexar l’equipu suizu dende l’añu que vien. Esta selmana tamién se confirmó qu’Audi mercó una parte pequeña de Sauber, un pasu más nesa xuntanza que va consolidase en 2026.
Como veis, nun dexamos de tener noticies y novedaes selmana tres selmana, anque a vegaes abulte que vienen toes xuntes. Alcordaivos que tenéis disponibles los boletinos que fuimos preparando dende que terminó la temporada 2022 pa nun perder un res de lo que ta pasando na F1. Podéis consultalos equí:
Noticies post-temporada 2022:
Noticies – 2 d’avientu
Noticies – 9 d’avientu
Noticies – 16 d’avientu
Noticies – 23 d’avientu
Noticies – 30 d’avientu
Noticies pre-temporada 2023:
Noticies – 13 de xineru
Noticies – 20 de xineru
Noticies – 27 de xineru
Nun vos perder tampocu los posts que tenemos con tola información que precisáis pal entamu la nueva temporada. Podéis atopalos equí:
Pilotos y equipos
Calendariu
Presentaciones de los coches
Circuitos
Amás, ya nos punximos a preparar les previes pa la temporada, pa dexalo too a puntu pa cuando s’apaguen les lluces colloraes nel primer gran premiu:
La selmana que vien tornamos con más noticies y previes cuando yá entramos casi na cuenta atrás pa los test de pre-temporada y, a la fin, el primer gran premiu.