El tiempu nun perdona y equí tamos un añu más preparándonos pa una montonera de meses de competición que nos van llevar por venticuatro circuitos diferentes na que va ser la temporada más llarga de la historia d’esti deporte.
El llistáu empieza, como yá ye vezu dende va dellos años, en Bahréin, que tamién acoyó los test de pre-temporada d’esti 2024, unos entrenamientos de los que nun podemos sacar munches más conclusiones que les que los equipos nos quixeran ufrir. Lo real va venir dende’l xueves, cuando de verdá veamos a los monoplaces funcionando ensin tregua dala.
Esti añu, coincidiendo col Ramadán, tanto esti fin de selmana como’l viniente en Xida, van entamar de xueves y los grandes premios van disputase de sábadu, una de les principales novedaes que trai esti 2024.
Ensin allarganos muncho más, que yá tendremos tiempu pa ello nos vinientes díes, equí vos dexamos tola inforamción que precisáis pa nun perder detalle del gran premiu qu’inicia la temporada 2024:
| GRAN PREMIU DE BAḥRÉIN | |
|---|---|
| Circuitu | SAKHIR |
| HORARIOS | |
| XUEVES 29/02/2024 | |
| LLIBRES 1 | 12:30 |
| LLIBRES 2 | 16:00 |
| VIENRES 01/03/2024 | |
| LLIBRES 3 | 13:30 |
| CLASIFICACIÓN | 17:00 |
| SÁBADU 02/03/2024 | |
| CARRERA | 16:00 |
Y éstes son les gomes que van montar los equipos nesti gran premiu:
