La temporada 2024 yá ye historia asina que ponemos el güeyu na viniente, de la que yá tenemos calendariu confirmáu. Otra vuelta 24 grandes premios, entamando n’Australia a mediaos de marzu y rematando a primeros d’avientu n’Abu Dabi. Por cuenta’l Ramadán, esti añu los grandes premios de Baḥréin y Xida van ser n’abril en cuenta d’en marzu. Amás, caltenemos el parón braniegu depués d’Hungría ya enantes de Zandvoort.
Tentose de facer un percorríu con xacíu pa que los equipos nun tengan de facer distancies escomanaes n’espacios curtios de tiempu, dexando por exemplu que Xapón seya depués d’Australia y China, o dexando pal final los grandes premios de Catar y Abu Dabi como se fexo esti añu y xuntando pel mediu les carreres europees y les americanes.
Vamos tener seis carreres al sprint en China, Miami, Bélxica, Austin, Brasil y Catar. Baḥréin torna a repitir como escenariu pa los test de pretemporada, ente’l 26 ya’l 28 de febreru.
Calendariu 2023
| Carrera | Fecha | País | Circuitu | |
|---|---|---|---|---|
| Test | 26-28 de febreru | Baḥréin | Sakhir | |
| 1 | 14-16 de marzu | Australia | Albert Park | |
| 2 | 21-23 de marzu | China | Shanghai | |
| 3 | 04-06 d'abril | Xapón | Suzuka | |
| 4 | 11-13 d'abril | Baḥréin | Sakhir | |
| 5 | 18-20 d'abril | Arabia Saudita | Xida | |
| 6 | 02-04 de mayu | EEXX | Miami | |
| 7 | 16-18 de mayu | Italia | Imola | |
| 8 | 23-25 de mayu | Monaco | Monaco | |
| 9 | 30 de mayu-01 de xunu | España | Montmeló | |
| 10 | 13-15 de xunu | Canada | Montreal | |
| 11 | 27-29 de xunu | Austria | Redbullring | |
| 12 | 04-06 de xunetu | United Kingdom | Silverstone | |
| 13 | 25-27 de xunetu | Bélxica | Spa-Francorchamps | |
| 14 | 01-03 d'agostu | Hungría | Hungaroring | |
| 15 | 29-31 d'agostu | Países Baxos | Zandvoort | |
| 16 | 05-07 de setiembre | Italia | Monza | |
| 17 | 19-21 de setiembre | Azerbaixán | Bakú | |
| 18 | 03-05 d'ochobre | Singapur | Marina Bay | |
| 19 | 17-19 d'ochobre | EEXX | Circuit Of The Americas | |
| 20 | 24-26 d'ochobre | México | Autódromo Hermanos Rodríguez | |
| 21 | 07-09 de payares | Brasil | Autódromo José Carlos Pace | |
| 22 | 20-22 de payares | EEXX | Las Vegas | |
| 23 | 28-30 de payares | Catar | Lusail | |
| 24 | 05-07 d'avientu | Abu Dabi | Yas Marina |